60 yaşlı kişini “KamAZ” vurub öldürdü

Goranboyda piyada ölümü ilə nəticələnən qəza baş verib.

“Yenisirvanli.info.az” xəbər verir ki, hadisə rayonun Borsunlu kəndində ərazisində keçən hissəsində olub.

Belə ki, “KamAZ” markalı yük avtomobili yolu qarşı tərəfə keçmək istəyən1966-cı il təvəllüdlü Aydın Rzayevi vurub.

Piyada aldığı xəsarətlərdən elə hadisə yerində ölüb.

Mərhumun meyiti müayinə olunmaq üçün Mərkəmə Tibbi Ekspetiza və Patalogi Anatomiya Birliyinin Goranboy rayon Şöbəsinə aparılıb.

Faktla bağlı araşdırma aparılır.

Lökbatanda güclü yanğın başladı - Video - Fotolar - Yenilənib

Bakı şəhəri, Qaradağ rayonu, Lökbatan qəsəbəsi ərazisində yanğın başlayıb.

“Yenisirvanli.info.az” xəbər verir ki, bu barədə FHN məlumat yayıb.

Bildirilib ki, əraziyə dərhal FHN Dövlət Yanğından Mühafizə Xidmətinin qüvvələri cəlb olunub.

Hazırda yanğınla mübarizə tədbirləri davam etdirilir.

Əlavə məlumat veriləcək.

***

Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğınla mübarizə tədbirləri davam etdirilir.

Yanğının söndürülməsi üçün əraziyə FHN-in kifayət qədər texnikası və canlı qüvvəsi cəlb edilib.

Əlavə məlumat veriləcək.

***

DİN Mətbuat Xidmətindən bildirilib ki, paytaxtın Qaradağ rayonunda yerləşən anbarların birində baş vermiş yanğınla bağlı polis əməkdaşları dərhal əraziyə cəlb olunublar.

Hadisə yerində vətəndaşların təhlükəsiz şəkildə təxliyə olunması, həmçinin yanğınsöndürmə-qurtarma qüvvələrinin maneəsiz fəaliyyətinin təmin edilməsi məqsədilə zəruri operativ tədbirlər görülür.

Bugünkü qəzada həyatını itirən hərbçilərin - Fotoları

Xəbər verdiyimiz kimi, bu gün Ağdam rayonunda ölümlə nəticələnən qəza baş verib.

“Yenisirvanli.info.az”ın məlumatına görə, qəza 4 hərbçi həyatını itirib, 1 nəfər isə xəsarət alıb.

Qəzada həlak olanlar leytenant Mehtiyev Faiq Xanqulu oğlu, çavuş Qəhrəmanov Saday Yaqub oğlu, çavuş Novruzov Ruslan Ramil oğlu, Abbasov İsmayıl Abdulla oğludur.

Xıdırlıda ağır qəza - 4 ölü, 1 yaralı

Ağdam rayonunda ağır yol-nəqliyyat hadisəsi baş verib.

“Yenisirvanli.info.az”ın məlumatına görə, qəza rayonun Xıdırlı kəndi ərazisində qeydə alınıb.

Məlumata görə, hərəkətdə olan “Hyundai” markalı avtomobil qarşıdan gələn “VAZ-2106” markalı maşınla toqquşub.

Qəza nəticəsində avtomobillərdə olan 4 nəfər hadisə yerində həyatını itirib, 1 nəfər isə ağır xəsarət alıb. Yaralıların xəstəxanaya çatdırılması üçün hadisə yerinə həkim briqadaları cəlb olunub.

Ölən şəxslərin hərbçi olduqları bildirilir.

FHN-nin Qarabağ Regional Mərkəzinin xilasediciləri avtomobillərdə sıxılı vəziyyətdə qalan meyitləri çıxararaq aidiyyəti üzrə təhvil verib.

Faktla bağlı araşdırma aparılır.

Aeroport şosesində ölümlə nəticələnən qəzada xəsarət alanların SON DURUMU

Ötən gün Bakının Xəzər rayonu ərazisində, Aeroport şosesində baş verən yol-nəqliyyat hadisəsi zamanı xəsarət alan şəxslərin vəziyyəti açıqlanıb.

“Yenisirvanli.info.az”ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, mayın 5-də saat 15:20-də Respublika Təcili və Təxirəsalınmaz Tibbi Yardım Mərkəzinə Xəzər rayonu ərazisindən çağırış qeydə alınıb.

"Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 36 yaşlı şəxsə (kişi) yerində yardım olunub, 46 yaşlı şəxs (kişi) müştərək travma diaqnozu ilə Sabunçu Tibb Mərkəzinə hospitalizasiya olunub. 33 yaşlı şəxs (qadın) isə hospital olunmaqdan imtina edib.

Sabunçu Tibb Mərkəzində döş qəfəsinin küt travması, qabırğaların çoxsaylı sınığı diaqnozları təyin edilən pasiyentin müalicəsi Müştərək travma şöbəsində davam etdirilir, vəziyyəti orta ağırdır", - deyə məlumatda vurğulanıb.

Xatırladaq ki, qəza zamanı "Mercedes" və "XPeng" markalı minik avtomobilləri toqquşub. Hadisə nəticəsində "Mercedes"in sürücüsü Mansur Güləxan oğlu İmanov ölüb.

Gəncədəki yanğın tam söndürülüb- YENİLƏNİB-2

Gəncə şəhəri, Ə.Arazov küçəsində yerləşən zavodda baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən tam söndürülüb.

Bu barədə "Yenisirvanli.info.az"a FHN-dən məlumat verilib.

Yanğınsöndürənlər tərəfindən həyata keçirilən zəruri və təxirəsalınmaz tədbirlər sayəsində yanğının yaxınlıqda yerləşən tikililərə keçməsinə imkan verilməyib.

06:20

Fövqəladə Hallar Nazirliyinin "112" qaynar telefon xəttinə Gəncə şəhəri, Ə.Arazov küçəsində yerləşən zavodda yanğın baş verməsi barədə məlumat daxil olub.

Bu barədə "Yenisirvanli.info.az"a FHN-dən məlumat verilib.

Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yanğınsöndürənlərin çevik müdaxiləsi sayəsində yanğın qısa müddətdə məhdudlaşdırılıb.

Hazırda yanğının tam söndürülməsi istiqamətində tədbirlər davam etdirilir.

05:46

Samux rayonunun ərazisində güclü yanğın başlayıb.

"“Yenisirvanli.info.az”ın aldığı məlumatlara görə, yanğın Samux-Gəncə yolunun kənarında günəbaxan tumu istehsalı fabrikində qeydə alınıb.

Alovun qarşısını almaq üçün Samux və Gəncədən 10 yanğınsöndürən avtomobil və xeyli sayda canlı qüvvə cəlb olunub.

İldırımın vurub öldürdüyü gəncin - Fotosu

Xəbər verdiyimiz kimi, dünən saat 17 radələrində Lerik rayonunda ildırım vurması nəticəsində bir nəfər həyatını itirib.

“Yenisirvanli.info.az” xəbər verir ki, Cenublu.az 21 yaşlı Cəfər Əbdül oğlu Mirzəzadənin fotosunu yayıb.

Qeyd edək ki, ildırım C.Mirzəzadəni evinin həyətində vurub.

5 yaşlı uşaq 12-ci mərtəbədən yıxılıb öldü

Bakıda azyaşlının ölümü ilə nəticələnən bədbəxt hadisə baş verib.

“Yenisirvanli.info.az” xəbər verir ki, hadisə aprelin 30-da saat 17 radələrində Nizami rayonunda qeydə alınıb.

Belə ki, 2021-ci il təvəllüdlü Polad Rövşən oğlu Məmmədov qonaq olduğu X.Dadaşovanın yaşadığı C.Naxçıvanski küçəsi 89 ünvanındakı çoxmərtəbəli binanın 12-ci mərtəbəsindəki mənzilin eyvanından yıxılıb.

Ehtiyatsızlıqdan yıxılan azyaşlı hadisə yerində ölüb.

Faktla bağlı araşdırma aparılır.

Kənddəki evində yanaraq öldü - Rusiyadan təzə qayıtmışdı-Video

Kürdəmirdə ölümlə nəticələnən yanğın baş verib.

“Yenisirvanli.info.az”ın “Xəzərxəbər”ə istinadən məlumatına görə, rayonun Yenikənd kəndində sahəsi 150 kv metr olan ev əşyaları ilə birlikdə yanaraq külə dönüb.

Yanğın zamanı evdə yatan Fikrət Eminov yanaraq dünyasını dəyişib.

Hadisə yerinə FHN-in Kürdəmir rayon Yanğından Mühafizə Hissəsinin canlı qüvvə və texnikası cəlb olunub, yanğın söndürülüb. Eyni zamanda əraziyə rayonun hüquq-mühafizə orqanı əməkdaşları da gəlib və mərhumun meyiti ərazidən götürülərək aidiyyəti üzrə təhvil verilib.

Məlumata görə, yanaraq ölən 57 yaşlı Fikrət Eminov bir müddət öncə Rusiyadan ata evinə qayıdıbmış. O evdə tək yaşayırmış.

Xaçmazda dəhşətli qəza - Sürücülər öldü - Foto

Xaçmazda ölümlə nəticələnən yol qəzası baş verib.

“Yenisirvanli.info.az” Şimal.news-a istinadən xəbər verir ki, hadisə rayonun Yalama kəndi ərazisində qeydə alınıb.

“VAZ 21010” və “KİA” markalı minik avtomobillərinin toqquşması nəticəsində hər iki sürücü, Xaçmaz rayon sakinləri - İsrafil Şahbaz oğlu Hidayətov və Orxan Rüfət oğlu Mirzəquliyev hadisə yerində ölüblər.

Faktla bağlı araşdırma aparılır.