Londonun “Çelsi” klubunun yeni baş məşqçisi müəyyənləşib.

“Yenisirvanli.info.az” xəbər verir ki, İngiltərə təmsilçisi komandanın sükanının tanınmış ispan mütəxəssis Xabi Alonsoya tapşırıldığını elan edib.

London klubu ilə təcrübəli çalışdırıcı arasında 4 illik müqavilə imzalanıb. Keçmiş baş məşqçi Liam Rosenyoru əvəzləyən Xabi Alonso iyulun 1-dən etibarən işinə başlayacaq.

Qeyd edək ki, ispan mütəxəssisin son iş yeri vətəni olub. O, 2025-ci ilin yayından 2026-cı ilin yanvarına qədər Madrid “Real”ının baş məşqçisi postunda çalışıb.

Misli Premyer Liqasında 32-ci tur davam edir.

“Yenisirvanli.info.az” xəbər verir ki, ikinci oyun günündə daha iki matç keçiriləcək.

Həm “Qarabağ”ın, həm də “Turan Tovuz”un gümüş medal qazanmaq şansı qaldığı üçün bu komandaların oyunları eyni vaxtda start götürəcək.

“Qarabağ” öz meydanında “İmişli”ni qəbul edəcək. Hazırda Ağdam klubu 63 xalla 2-ci, İmişli təmsilçisi isə 33 xalla 9-cu pillədə qərarlaşıb. Qurban Qurbanovun komandası bu gün “İmişli”yə qalib gəlsə, sona 1 tur qalmış ikinci yeri, avtomatik Avropa Liqasına vəsiqəni təmin edəcək.

“Turan Tovuz” isə səfərdə “Şamaxı”nın qonağı olacaq. Hazırda Tovuz klubu 59 xalla 3-cü, “Şamaxı” isə 35 xalla 8-ci yerdədir. Bu komandaların ilk dövrədəki görüşündə “Turan Tovuz” 2:1 hesablı qələbə qazanıb. İkinci dövrədə Şamaxıda baş tutan matçda isə qalib müəyyənləşməyib - 0:0.

16 may

Ətraflı

17:00. “Şamaxı” - “Turan Tovuz”

Baş hakim: Rəvan Həmzəzadə.

Şamaxı şəhər stadionu.

17:00. “Qarabağ” - “İmişli”.

Baş hakim: Emin Əliyev.

Tofiq Bəhramov adına Respublika Stadionu.

Alimlər gələn ay ABŞ, Kanada və Meksikada keçiriləcək FIFA Dünya Çempionatı turnirində həm futbolçuların, həm də azarkeşlərin təhlükəli istilik şəraiti ilə üzləşə biləcəyi barədə xəbərdarlıq ediblər.

“Yenisirvanli.info.az” xəbər verir ki, bir qrup tədqiqatçı iqlim modelləri əsasında apardığı analizdə insan fəaliyyəti nəticəsində yaranan iqlim dəyişikliyinin stadionlarda və açıq hava tədbirlərində riskləri artırdığını bildirib.

Araşdırmaya görə, turnirin 104 oyunundan təxminən 25 faizinin beynəlxalq futbolçular birliyi (FIFPRO) tərəfindən müəyyən edilən təhlükəsizlik hədlərini aşan temperatur və rütubət şəraitində oynanılma ehtimalı var.

Mütəxəssislər “yaş lampalı qlobal temperatur” (WBGT) göstəricisinə istinad edərək bildiriblər ki, matçların bir hissəsində bu göstərici 26°C-ni keçə bilər. Bu səviyyə təhlükəsizlik tədbirlərinin tətbiqini zəruri hesab edən hədd kimi qiymətləndirilir. Təxminən 5 oyunun isə 28°C WBGT-dən yüksək, yəni oyun üçün riskli sayılan şəraitdə keçirilməsi ehtimal olunur.

Təhlillər xüsusilə Mayami, Kanzas-Siti, Nyu-York və Filadelfiya kimi şəhərlərdə riskin daha yüksək olduğunu göstərir. Bəzi stadionlarda kondisioner sistemlərinin olmaması da vəziyyəti ağırlaşdıran amillərdən biri kimi qeyd edilir. Nyu-York/Nyu-Cersi final matçında da istilik həddinin aşılma ehtimalının olduğu bildirilir.

Tədqiqatçılar bildirirlər ki, 1994-cü ildə ABŞ-də keçirilən Dünya Çempionatı ilə müqayisədə hazırkı dövrdə iqlim şəraiti ciddi şəkildə dəyişib və ekstremal istilik riski artıb.

London İmperial Kollecinin alimləri qeyd ediblər ki, bəzi riskləri azaltmaq üçün oyun saatlarının dəyişdirilməsi kimi tədbirlər nəzərdən keçirilsə də, təhlükə tam aradan qalxmır.

Mütəxəssislər FIFA və təşkilatçılara çağırış edərək, turnirdə həm oyunçuların, həm də azarkeşlərin sağlamlığının qorunması üçün daha sərt iqlim təhlükəsizliyi tədbirlərinin görülməsinin vacibliyini vurğulayıblar.

WUF13-ün rəsmi loqosunun videosu yayımlanıb.

“Yenisirvanli.info.az” xəbər verir ki, videoda loqo yalnız bir qrafik simvol deyil, Azərbaycanın tarixini, mədəniyyətini və Bakının müasir şəhər ruhunu bir araya gətirən vizual hekayə kimi təqdim olunur.

Loqonun əsas elementləri Azərbaycanın memarlıq ənənələrindən ilhamlanaraq hazırlanıb.

Videoda Azərbaycanın qədim memarlıq ənənələrində geniş istifadə olunan incə şəbəkə naxışları, Xəzər dənizinin dalğaları, Bakının külək ritmini əks etdirən elementlər, eləcə də, Qız Qalasının qədim silueti və Alov Qüllələrinin müasir görüntüsü öz əksini tapıb.

Vizual üslubda Azərbaycanın tarixi irsi və Bakının çağdaş şəhər ruhu vahid kompozisiyada birləşdirilib.

Hazırlanan dizayn şəhərin keçmişi, bu günü və gələcəyi arasındakı əlaqəni simvolizə edir və Bakının həm tarixi, həm də innovativ simasını ön plana çıxarır.

Bakıda keçiriləcək Ümumdünya Şəhərsalma Forumunun 13-cü sessiyası – WUF13 çərçivəsində təşkil ediləcək Şəhərsalma Sərgisi (Urban Expo) həm əhatə dairəsi, həm də iştirakçı təşkilatların sayına görə forum tarixinin ən böyük sərgisi olacaq.

“Yenisirvanli.info.az” AZƏRTAC-a istinadən xəbər verir ki, WUF13 Şəhərsalma Sərgisində dünyanın 66 ölkəsindən 163-dən çox təşkilat iştirak edəcək.

Forumda özəl sektorun iştirakı da rekord səviyyədə olacaq. Belə ki, WUF13-də ümumilikdə 45 şirkət təmsil olunacaq, onların 14-ü isə startapdır. Tədbir çərçivəsində startaplar və innovativ təşəbbüslər üçün xüsusi platforma – Biznes və İnnovasiya Habı (Mərkəzi) ilk dəfə iştirakçıların istifadəsinə veriləcək.

WUF13-də dünyanın müxtəlif ölkələrindən 44-dən çox şəhər meri də iştirak üçün qeydiyyatdan keçib. Bu, Forumun qlobal şəhər idarəçiliyi və beynəlxalq əməkdaşlıq baxımından əhəmiyyətini bir daha nümayiş etdirir.

Eyni zamanda, vətəndaş cəmiyyəti institutlarının sessiyadakı iştirakı da yüksək səviyyədə olacaq. Şəhərsalma Sərgisində 42 vətəndaş cəmiyyəti təşkilatı və fond təmsil olunacaq.

Qeyd edək ki, xəbərdə yer alan məlumatlar bu günədək olan informasiyadır. Rəqəmlər dəyişə bilər.

Onu da xatırladaq ki, WUF13 mayın 17-dən 22-dək Bakıda keçiriləcək və tədbir çərçivəsində şəhərlərin gələcəyi, dayanıqlı inkişaf, iqlim çağırışları, rəqəmsal transformasiya və inklüziv urbanizasiya məsələləri müzakirə olunacaq.

Bolqarıstanın Samokov şəhərində güləş üzrə U17 Avropa çempionatına start verilib.

“Yenisirvanli.info.az” xəbər verir ki, ilk yarış günündə yunan-Roma güləşi üzrə 48, 55, 65, 80 və 110 kq-da finalçılar müəyyənləşib.

Ömər Salmanov (48 kq) türkiyəli Şamil Şahan (8:1), çexiyalı Simon Sritr (8:0) və macarıstanlı Benedek Tombora (9:0) qalib gələrək finala yüksəlib. Həmyerlimiz sabah həlledici görüşdə rusiyalı Artyom Tkaçenkoyla güləşəcək.

Qurban Məcnunov (55 kq) polşalı Yakub Şkripçak (9:0), gürcüstanlı Giorgi Kedelidze (5:3), ukraynalı Raxman Qamidov (11:2) və norveçli Abu Bakar Saqaya (9:0) qalib gələrək adını finala yazdırıb. Güləşçimiz sabah çempionluq uğrunda son qarşılaşmada rusiyalı Edem Payziyevlə mübarizə aparacaq.

Orxan Həbibli (65 kq) bolqarıstanlı Antoan Tsvetanovu (7:1) yarışdan kənarlaşdırsa da, 1/4 finalda rusiyalı Aslan Dzuevə 4:8 hesabıyla uduzub. Rəqib finala yüksəldiyi üçün millimizin üzvü sabah təsəlliverici görüşə çıxacaq. Rəqib Dionisios Bulutidis (Yunanıstan) – Qabriel Lunqu (Rumıniya) qarşılaşmasının qalibi olacaq.

Zəka Yusubov (80 kq) rumıniyalı Robert Kukiureana (8:0) və rusiyalı Yeqor Kuropiatnikova (7:6) qalib gəldikdən sonra 1/4 finalda ukraynalı Danyil Melniçuka minimal fərqlə məğlub olub – 3:4.

Məhəmməd Mustafayev (110 kq) debütdə ukraynalı Maksim Sokolyuka müqavimət göstərə bilməyib – 0:9.

UEFA Çempionlar Liqasının final qarşılaşmasının hakim təyinatları açıqlanıb.

“Yenisirvanli.info.az” xəbər verir ki, PSJ və “Arsenal” komandaları arasında keçiriləcək həlledici oyun Almaniyadan olan hakimlər briqadasına həvalə edilib.

Final matçında baş hakim funksiyasını Daniel Zibert yerinə yetirəcək. Ona VAR (Video Köməkçi Hakim) otağında həmyerlisi Bastian Dankert köməklik göstərəcək.

Qeyd edək ki, Çempionlar Liqasının böyük finalı mayın 30-da Macarıstanın paytaxtı Budapeştdə yerləşən “Puşkaş Arena”da keçiriləcək.

Qazaxıstanın paytaxtı Astanada cüdo üzrə “Böyük Dəbilqə” turniri davam edir.

“Yenisirvanli.info.az” xəbər verir ki, Azərbaycanın iki cüdoçusu bu gün mübarizəyə qoşulacaq.

Rəşid Məmmədəliyev (73 kq) 1/8 finalda Yersultan Duysenxan (Qazaxıstan) / Arun Kumar (Hindistan) cütünün qalibi ilə üz-üzə gələcək.

Eyni mərhələdə Südabə Ağayeva (70 kq) isə almaniyalı Miriam Butkereytlə qarşılaşacaq.

Xatırladaq ki, “Böyük Dəbilqə” mayın 10-u başa çatacaq.

UEFA Çempionlar Liqasında yarımfinal mərhələsinin cavab oyunlarına start verilir.

“Yenisirvanli.info.az” xəbər verir ki, bu gün “Arsenal” Londonda “Atletiko”nu qəbul edir.

Bu qarşılaşmadan sonra ÇL-də ilk finalçının adına aydınlıq gələcək.

Qarşılaşma Bakı vaxtı ilə saat 23:00-da start götürəcək.

Bu komandalar arasında İspaniyada keçirilən ilk matç 1:1 hesablı bərabərliklə başa çatıb.

UEFA Çempionlar Liqası

Yarımfinal, cavab oyunu

5 may

23:00. “Arsenal” (İngiltərə) – “Atletiko” (İspaniya)

İlk oyun - 1:1

Misli Premyer Liqasında XXX tura start verilir.

“Yenisirvanli.info.az” xəbər verir ki, ilk oyun günü iki qarşılaşma keçiriləcək.

Günün ilk oyununda "Kəpəz" "Sumqayıt"ı qəbul edəcək. Yevlax şəhər stadionunda baş tutacaq görüşün start fiti 16:00-da səslənəcək. Matçın baş hakimi Əli Əliyev olacaq.

"Sumqayıt" 38 xalla yeddinci, "Kəpəz" 21 xalla onuncudur.

Günə isə "Araz-Naxçıvan" - "İmişli" matçı ilə yekun vurulacaq. Görüş Sumqayıtdakı "SOCAR Polymer Arena"da baş tutacaq və 18:30-da start götürəcək.

Qeyd edək ki, "Araz-Naxçıvan" 40 xalla altıncı, "İmişli" isə 29 xalla doqquzuncudur.