Sabunçu rayonunda növbəti qanunsuz tikinti

XALQ daxil olan məlumata görə Sabunçu rayonu Maştağada qəsəbəsində icra nümayəndəliyinin yaxınlığında qanunsuz tikinti işləri aparılır. Qeyd edək ki, bu tikintinin icazəsi barədə Dövlət Şəhərsalma və Arxitektura Komitəsinin bazasında heç bir məlumat yoxdur.

Dövlət Komitəsindən rəsmi icazəsi olmadan aparılan tikinti işlərini Sabunçu rayonu icra hakimiyyətinin səlahiyyətli şəxsin “razılığı “əsasında aparıldığı iddia olunur.

Qanunsuz tikinti ilə bağlı Sabunçu rayon icra hakimiyyətindən və Bakı Şəhər Memarlıq və Şəhərsalma Baş İdarəsindən heç bir açıqlama almaq mümknü olmadı ..

Həmin qanunsuz tikintinin görüntülərini təqdim edirik:

Qanunsuz tikinti ilə bağlı Maştağa icra nümyəndəliyi ilə əlaqə saxladıq. İcra nümayəndəsinin müavini Ramin Ağazadə məlumatı araşdırıb bildirik ki, tikinti dayandırılıb.

Lakin qanunsuz tikinti ilə bağlı əməkdaşımızın müşahidəsinə görə gizli şəkildə aparılır və yeni tikinti malları gətirilib.

Həmin görüntüləri təqdim edirik:

Məsələ ilə bağlı qurumların mövqeyini dərc etməyə hazırıq.

Son günlər vətəndaşların müxtəlif yollarla aldadılması hallarına rast gəlinir.

Xüsusi ilə “tiktok” platformasında bu hallara geniş rast gəlinir. Belə ki, “Ada Fabrik – mebeldunyasıyedek” profilində mebellə bağlı müxtəlif cür elanlar paylaşılır.”Tiktok” (Bu linkdə) və “İnstagram” (Bu linkədə)platformalarında paylaşılan elanlarda vətəndaşlara müxtəlif cür mebellər təklif olunur. Bu üsulla vətəndaşları cəlb edən elan sahibləri pulları öncədən aldıqdan sonra yoxa çıxırlar. Vətəndaşların nömrələrini “qara siyahı”ya salan səhifə adminləri bu yolla növbəti qurbanlarını tora salırlar.

Bu mövzu ilə bağlı saytımıza şikayət edən vətəndaş Azər Orucov bildirib ki,sözügedən şəxslərin qurduğu oyunun növbəti qurbanı olub.O,051 593 85 14 “WhatsApp” nömrəsi ilə əlaqə saxlayıb. 10 ədəd stul,1 ədəd stol üçün qarşı tərəfin təqdim etdiyi kart hesabına 750 AZN (Bu hesab Sevda.M adlı şəxsə məxsusdur) və 300 AZN (Bu hesab Vasif. Y adlı şəxsə məxsusdur) ödəniş edib.

Ödəniş qəbzləri

Şikayətçinin sözlərinə görə, ödənişi etdikdən bir müddət sonra qarşı tərəf onun nömrələrini “qara siyahı”ya salıb və zənglərinə cavab verməyib.Aldadıldığını başa düşən vətəndaş DİN-in 102 zəng xidmətinə şikayətini bildirib.

Azər Orucovun sözlərinə görə,fırıldaqçılar vətəndaşları inandırmaq üçün nüfuzlu “ADA” Universitetinin adından da istifadə ediblər.

Sifarişi götürən şəxs telefon danışığı zamanı bildirdi ki, “ADA Universiteti”nin nəzdində fəaliyyət göstərirlər. Adlar da eyni olduğu üçün onlara inandım. İşlətdikləri “whatsapp” hesabının profil şəklində də “Ada fabrik” sözləri əks olunub. 1500 AZN dəyərində 10 stul və 1 stol sifariş verdim.Onların tələblərinə uyğun olaraq əvvəlcə 750 AZN,sonra isə 300 AZN onların təqdim etdiyi kart hesabına ödəniş etdim.Qalan məbləği isə şifahi razılaşmaya əsasən təhvil-təslim zamanı ödəməli idim.Həmin şəxlsər indi zənglərimə və mesajlarıma cavab vermir.Telefon nömrəmi “qara siyahı”ya salıblar”,-deyə vətəndaş bildirib.

Sözügedən şəxslərlə bağlı qarşı tərəflə əlaqə saxlamaq istəsək də,zənglərimizə cavab vermədilər.

Mövzunu diqqətdə saxlayacağıq.CityPost.az

“Qarabağ Oil” zavodunun işçiləri olmuş və hazırda Şəki rayonun Baş Göynük kəndində yaşayan Xəlilov Məmmədəli Əkrəm oğlu və Əliyev Bəxtiyar Rüfət oğlu tərəfindən Prezidenti İlham Əliyevə, Baş nazir Əli Əsədova, Baş prokuror Kamran Əliyevə, İqtiasiduyyat naziri Mikayıl Cabbarova, Kiçik və Orta Biznesin İnkişafı Agentliyinin sədri Orxan Məmmədova, Ombudsman Aparatının sədri Səbinə Əliyevaya və digər aidiyyəti dövlət qurumlarının rəhbərlərinə ictimailəşdirilməsi məqsədi ilə ikinci şikayət məktubu ünvanlanıb.

Bir surəti də redaksiyamıza daxil olan şikayət məktubunda deyilir:

Çox hörmətli cənab Prezident və Ali Baş Komandan İlham Əliyev! Biz sadə insanlar elə başa düşürük ki, Siz Müzəffər Komandan olaraq Qarabağ torpaqlarını ondan ötəri işğaldan azad etmisiniz ki, müqəddəs torpaqlara vətəndaşlarımız qayıtsın, quruculuq-abadlıq işləri görülsün.

Bir daha qısa olaraq xatırlatmaq istəyirik ki, Qarabağ Oil” zavodunun direktoru Gülpəri Bayramova tərəfindən bizi işlədərək sonradan bəhanələrlə əmək haqqımızı verməməsilə bağlı Sizə və aidiyyatı qurumlara 28 iyul 2025-ci il tarixində etdiyimiz müraciətdən dərhal sonra filioloq ixtisaslı biznes –ledi G.Bayramova mətbuata-konkret olaraq aktualinfo saytına “Gülpəri Bayramova “Qarabağ oil” zavodu haqqındaolunan şikayətə aydınlıq gətirdi” başlıqla açıqlama verərək bizi dələduz və böhtançı adlandırmışdır.

https://aktualinfo.org/2025/07/30/gulp%c9%99ri-bayramova-qarabag-oil-zavodu-haqqinda-olunan-sikay%c9%99t%c9%99-aydinliq-g%c9%99tirdi/

Guya biz görülən işi təhvil vermədən harasa qaçmışıq, sonradan ondan əməkhaqqımızı istəmişik və s. əsassız açıqlamalar. Hələ bu azmış kimi onu da bildirmişdir ki, bizim barəməizdə hüquq –mühafizə orqanlarına şikayət vermişdir və artıq hüquqi prosedur da başlanmışdır.

Xatırladaq ki, 2022-ci ildə KOBİA tərəfindən “2022-ci ilin sahibkar xanımı” adına layiq görülmüş “Agro Mix” MMC-nin təsisçisi və özünü aqrar ekspert elan edən Gülpəri nəinki bizim əmək haqqımızı, zovoduna cəlb etdiyi qalan 40 nəfərin də (bunlardan çoxunu ƏƏSMN-nin Məşğulluq İdarəsinin göndərişi əsasında gəlib 600 manat maaşa işləyən çarəsiz insanların da pulunu vermir. Bəli, bizim müraciətimizdən sonra onlara da 5 avqustda işlədikləri pulu verəcəklərinə söz versə də, 15 gündür ki, Bakıya gedib və kimsənin telefonuna cavab vermir. İşçilərin dediyinə görə pulsuzluqdan ancaq kartof və badımcan yeməklə, ölməmək üçün günlərini keçirirlər.Yazıqlar qorxurlar kİ, zavodu tərk etsələr Gülpəri bizi kimi onların da əməkhaqqını verməyəcəkdir.

Bəli, bizim yeganə günahımız budur ki, gördüyümüz və şəxsən özünə, sonra qardaşına, sonra zavodun direktoru İsmayıl müəllimə bir bir təhvil verdiyimiz və qəbul olunmuş işlərə görə heç bir etiraz və irad bildirilmədiyi halda, aradan keçən biznes-ledi iyulun 29-da qərara almışdır ki, ( iki ay sonra) bizi prokurorluğa verib gözümüzü qorxuzsun ki, bir daha pulumuzu istəməyək. Və məhz pulumuzu istədiyimizə görə də o bizdən xəbərsiz bizi işdən çıxarmışdır. Və bizə çatacaq pulu vermək fikri də yoxdur. Bizi işdən çıxarmağın əsas səbəbi də əməkhaqqımızı istəməyimizdir.

Biz mayın 10-da “Qarabağ oil” zavodunda işlə başlarkən zavod daxilindəki, uzun illərdir ki, fəaliyyət göstərməyən və bu səbəbdən tam yararsız hala düşmüş qurğu və avadanlıqların yenidən qurulmasını təşkil edib onları işlək vəziyyətə gətirək. Bəli, biz buxar qazanlarının daxili sistemlərinin təmizlənməsi, vintil və vanların bərpası və az qisminin yenisilə əvəz edilməsi , borudaxili paslanmaların təmizləmə işləri və s. görüb 10 gün müddətində işi rəhbərliyə təhvil vermişik. İşə başlamazdan əvvəl bütün avadanlıqların ilkin vəziyyətinin foto və videosunu çəkmişik.(maddi sübutların az qismi təqdim edilir) Təkcə 100-dən çox vintilləri təmir edib işlək vəziyyətə gətirmişik. Yəni tək buna görə zavoda 40000 manat xeyir vermişik. Vana detallarının çoxunun yenisilə əvəz olunmalı olduğu halda anbarda olmadığından biz onların proxladkalarını, boltlarını yeniləməklə işlək vəziyyətə gətirmişik. Böyük buxar qazanlarının və paslanmış dəmir boru xəttlərinin işərisi pas, palçıq və korroziya olunduğundan gecə gündüz dayanmadan işləyib onu qismən yaralı vəziyyətə gətirmişik. Yəni, qısası, biznes –ledinin dediklərindən fərqli olaraq biz gördüyümüz işlərin sübutunu ortalığa qoymuşuq və işi tamamlayıb təhvil verdikdən sonra pulumuzu istəmişik, qaçmamışıq. O isə bizi işdən bizim xəbərimiz olmadan əmək müqaviləmizə 1 ay öncədən xəbərdarlıq etmədən xitam verməklə düşünmüşdür ki, Oğuz türklərini də belə istismar edib yola salıb. Amma filioloq xanım çox yanılır. Çünki biz işlədiyimiz müddətdə elevatorların içində siçovulların necə qaçışdığını hamısının video lentə almışıq. Əslində isə bu zavodda bütün qurğu və avadanlıqların demək olar ki, hamısı yenilənməli və montaj olunaraq istifadəyə verilməli idi. Bizim əməyimizlə birtəhər ordan burdan detal tapıb düzəltməklə, korroziyaya uğramış daxili sistemləri müəyyən qədər yuyub təmizləməklə zavod işlətmək, yəni çoxsaylı zərərli baktereloji amili nəzərə alaraq qida istehsal etmək qəti olmaz. Bu həm daxil , həm də xarici bazar alıcılarının sağlamlıqlarının birbaşa təhlükəyə atılması deməkdir ki, təcili olaraq AQTA məşğul olmalı, FHN-nin əməkdaşları isə hər hansı nüfuzlu şəxsin zənginə baxmayaraq zavodaistismar aktı yazmamalıdır.

Və əgər xoşluqla G.Bayramova bizim zəhməthaqqımızı avqustun 15-dək verməsə biz o zaman onun indidən Körfəz ölkələrilə günəbaxan yağı idxalı üçün bağladığı müqavilələrin nə qədər bu ölkələrin əhalisinin sağlamlığı üçün təhlükəli olması barədə BƏƏ-lərinə, Səudiyyə Ərəbistanı, Küveyt, İran və digər ölkələrin Azərbaycandakı səfirliklərinə rəsmi müraciət edərək “Qarabağ oil” zavodunun istehsal etdiyi və “Made in Azerbaijan” brendi adı altında idxal edəcək hər hansı məhsulu almaqdan imtina etmələri üçün xəbərdarlıq edəcəyik. Təbii ki, əlimizəki antisanitar vəziyyəti əks etdirən çoxsaylı sübutları təqdim etməklə.

Bəli, biz xanım biznes-ledi G.Bayramova reklamlarda verdiyi pozlarda olduğu kimi deyil, real həyatda tam başqa birisi olduğu, yəni göründüyü kimi olmadığı üçün və Azərbaycanda qısa zaman kəsiyində geniş nüfuzlu şəxslərlə işbirliyində olduğunu nəzərə alaraq məhz cənab Prezidentə müraciət etmək zorunda qalmışıq ki, əməkhaqqımızı ala bilək. Vəssəlam.

Ona görə də bizim bir ümidimiz qalıb ki, yenə təkrar olaraq cənab Prezident Sizə müraciət edək. Sizin azad etdiyiniz müqəddəs topaqlarda bizi kimi imkansız insanları işlədib haqqımızı verməyən və əsassız varlanmaq həvəsinə düşən “ Qarabağ oil” zavodunun direktoru Gülparə Bayramovanının daşı ətəyindən töküb əmək haqımızın ödənilməsi üçün cənab nazir Mikayıl Cabbarova və ƏƏSMN-nin naziri cənab Anar Əliyevə bir daha göstəriş verməyinizi xahiş edir və əvvəlcədən minnətdarlığımızı bildiririk. Sağ olun.

P.S. Şəki rayon sakinləri Məmmədəli Xəlilov və Bəxtiyar Əliyev tərəfindən ünvanlanmış müraciətdə göstərilənlərlə “Agro Mix” MMC-nin direktoru Gülpəri Bayramovanın da münasibətini öyrəndik. Həm də “ Qarabağ oil” zavodunun direktoru olan Gülpəri Bayramova barəsində edilən şikayətin əsassız olduğunu, həmin şəxslərin zavodda əmək müqaviləsi ilə çalışdıqlarını və müqavilədə göstərilənlərə uyğun olaraq əmək haqqlarını aldıqlarını bildirdi. Şikayətçilərin digər iddialırına da münasibət bildirən Gülpəri Bayramova: onlar gördükləri işin zəhmət haqqını alıblar, görmədikləri işə görə mən onlara artıq pul verəsi deyiləm- dedi.(aktualinfo.org)

Yenisirvanli.İnfo.Az

Böyük Britaniyada tanınmış vəkil Rori Fordays Azərbaycanın sabiq milli təhlükəsizlik naziri Eldar Mahmudovun ailəsi ilə əlaqəli vəsaitlərin yoxlanılmasında etinasızlıq göstərdiyinə görə 32 min 500 funt sterlinq, təxminən 42 min dollar məbləğində cərimələnib. Bu barədə Korrupsiya və Mütəşəkkil Cinayətkarlığın Araşdırılması Mərkəzi (OCCRP) məlumat yayıb. Böyük Britaniyanın Hüquqşünaslar üzrə İntizam Tribunalı (SDT) Fordaysın 5 il müddətinə hüquq firmalarında rəhbərlik və ya komplayens (compliance) vəzifələrində çalışma hüququnu da məhdudlaşdırıb. Bundan əlavə, o, 50 min funt sterlinq məbləğində məhkəmə xərclərini ödəməyə məcbur edilib.

SDT Fordaysın maliyyə yoxlamalarını “səthi, sistemsiz və sadəlövh” adlandırıb. İstintaq zamanı müəyyən olunub ki, 2013-2015-ci illər arasında Fordaysın direktoru olduğu Taylor Fordyce hüquq firmasının hesabına Eldar Mahmudovun oğlu Anar Mahmudovun ailə üzvləri tərəfindən iki dəfə iri məbləğdə vəsait köçürülüb.

OCCRP-nin məlumatına görə, bu vəsaitlərdən biri - 1,9 milyon funt sterlinqdən çox məbləğ - “Continental Properties Limited” adlı şirkət vasitəsilə Cənubi İngiltərədə ticarət obyektinin alınmasına sərf edilib. Dəqiq ünvan açıqlanmasa da, jurnalist araşdırmalarına əsasən, 2015-ci ilin mayında həmin şirkət Nyuberi şəhərində dəyəri 1,85 milyon funt olan obyekt alıb. Məlumata görə, bu əmlakda Pizza Hut, Greggs və Salvation Army kimi müəssisələr fəaliyyət göstərir.

Tribunal həmçinin qeyd edib ki, Fordays Mahmudov ailəsinin nümayəndələri tərəfindən təqdim edilən ziddiyyətli məlumatlara həddən artıq güvənib və əmlak alışını tələb olunan sənədləri təqdim etmədən həyata keçirib.

OCCRP-nin əvvəlki araşdırmalarında qeyd olunurdu ki, Mahmudovlar ailəsi Avropada dəyəri azı 100 milyon avro olan biznes imperiyası qurub.

Mahmudovlar ailəsinin vəkili isə OCCRP-yə cavabında bildirib ki, ailənin sərvətinin kökü 19-cu əsrə qədər gedib çıxır və bütün aktivlər qanuni yolla əldə edilərək rəsmiləşdirilib. Bu qalmaqaldan sonra Mahmudovun varidatının mənbəyi ilə bağlı araşdırma aparıla bilərmi?

Zamirə Hacıyeva kimi Mahmudovlar da Londonda “sərvətin mənbəyini izah etmə” imtahanından keçə biləcəklərmi? Yaxud da bu qalmaqal onların beynəlxalq reputasiyasına və sərvətinə ciddi zərbə vuracaqmı?

“Bakı” Hüquq Şirkətinin rəhbəri Natiq Ələsgərov “Yeni Müsavat”a deyib ki, bu qalmaqal kifayət qədər ciddi görünür: “Londonda baş verən son hadisə, vəkil Rori Fordaysın Mahmudov ailəsinə aid vəsaitlərlə bağlı maliyyə yoxlamalarında səhlənkarlığa görə cəzalandırılması əslində bir hüquqşünasın məsuliyyətsiz davranışı ilə kifayətlənə biləcək hal deyil. Bu hadisə eyni zamanda Böyük Britaniya qanunvericiliyində yer alan və İzaholunmamış Sərvət Sorğusu (Unexplained Wealth Order -UWO) kimi tanınan ciddi hüquqi mexanizmin yenidən gündəmə gəlməsinə səbəb ola bilər. Mahmudov ailəsinin Avropada 100 milyon avrodan artıq dəyəri olan biznes imperiyası qurması, ancaq bu sərvətin mənbəyinin tam şəkildə şəffaf olmaması artıq ictimai və hüquqi suallar doğurur. Xüsusilə də Böyük Britaniyada son illərdə naməlum sərvət sahiblərinə qarşı ciddi mübarizə aparıldığı, offşor fondlar və korrupsiya riskləri ilə əlaqəli sərt qanunların tətbiq olunduğu bir vaxtda Mahmudovlarla bağlı bu cür maliyyə köçürmələrinin səthi yoxlamalarla həyata keçirilməsi hüquq-mühafizə orqanları üçün bir siqnal ola bilər”.

Natiq Ələsgərov deyib ki, bu baxımdan, Mahmudovların vəziyyəti 2018-ci ildən başlayaraq İzaholunmamış Sərvət Sorğusu mexanizminin ən tanınmış nümunəsi olan Zamirə Hacıyeva işini xatırladır: “Eldar Mahmudovun qudası Zamirə Hacıyeva Azərbaycan Beynəlxalq Bankının sabiq rəhbəri Cahangir Hacıyevin həyat yoldaşı olaraq, Londonda "Harrods" mağazasında 10 il ərzində 16 milyon funt sterlinqdən çox pul xərcləmişdi. Bu xərclərə bahalı zinət əşyaları, lüks brendlər və eksklüziv xidmətlər daxil idi. Onun adına qeydiyyatda olan əmlaklar, o cümlədən “Knightsbridge”də yerləşən 15 milyon funtluq villa və “Berkshire”dəki golf klubu, İngiltərə Milli Cinayət Agentliyinin (NCA) diqqətini çəkmiş və “naməlum sərvət”in izahı tələb olunmuşdu. Hazırda Mahmudov ailəsi ilə bağlı ortaya çıxan məlumatlar da Zamirə Hacıyeva işində olduğu kimi, İzaholunmamış Sərvət Sorğusu tətbiqi ehtimalını gündəmə gətirir. Fordaysın sadəlövh və səthi yoxlamaları hüquqi müstəvidə diqqətsizlik kimi qiymətləndirilsə də, bu hadisənin arxa fonunda çox daha böyük bir məsələ - potensial korrupsiya və qanunsuz yolla əldə edilən sərvətin yuyulması ehtimalı dayanır. Britaniya hüquq sistemi belə hallarda məsuliyyəti təkcə vəkilin üzərinə qoymur, vəsaitlərin mənşəyi və istifadəsi də dərin təhlil olunur".

Natiq Ələsgərov deyib ki, əgər Mahmudovların təqdim etdiyi maliyyə məlumatları qeyri-dəqiq, natamam və ya inandırıcı deyilsə, yaxud varidat riskli mənbələrdən gəlibsə, bu zaman NCA istintaqa başlaya bilər: “Bu halda Mahmudov ailəsi malik olduğu əmlak və sərvətin qanuni mənbəyini məhkəmə qarşısında izah etməyə məcbur olacaq. Əgər bunu edə bilməsələr, Britaniya qanunlarına görə bu əmlakların müsadirəsi mümkündür. Zamirə Hacıyeva işində də məhz bu mexanizm işlədi və nəticə etibarilə onun əmlakları donduruldu, bəzi aktivlər müsadirə edildi. Eyni prosedur Mahmudovların Avropadakı aktivləri üçün də tətbiq edilə bilər. Digər tərəfdən, bu hadisə Azərbaycanın da daxil olduğu ölkələrin maliyyə şəbəkələrinin beynəlxalq miqyasda necə izləndiyini ortaya qoyur. Bu qalmaqal göstərir ki, sadəcə, vəkilin cəzalandırılması ilə məsələ bitməyəcək. Bu, Mahmudov ailəsinin Avropadakı sərvətinin legitimliyi ilə bağlı genişmiqyaslı sorğuların başlanğıcı ola bilər”.Pravda.az

Yenisirvanli.İnfo.Az

Yenisirvanli.İnfo.Az xəbər verir ki, “Gündəlik Naxçıvan”a bir qrup fermer məlumat verib.

Fermerlərdən S.Hüseynov su olmaması səbəbindən 5 hektar ərazidə əkdiyi qarpızön məhv olduğunu deyir:

“5 hektarda qarpız əkmişdim. Yaxşı da məhsul olmuşdu. Gözümün tikəcəyi, ailəmin illik ruzisi orda idi. Əsas su lazım olan vaxtı vermədilər. 20 günə yaxındır suvara bilmirəm. İcra nümayəndəsi, bəldiyyə yalnız yüksək vəzifəlilərin, öz yaxınlarının və rüşvət müqabilində iş adamlarının əkin sahəsinə suyu verir. Su yoxdur desək, insafsızlıq olar. Adamlar var yoncalarını, meyvə bağlarına 3-5 gündən bir suvarır. Digərlərinin isə 10 hektarlarla əkin sahəsi susuzluqdan yanır. Ciddi ayrıseçkilik qoyulur. Şikayət edəndə də yalandan deyirlər ki, su qıtlığı var, dünyada belədir. Amma, bu yaz kifayət qədər yağıntılı olub. Bütün anbarlar dolub. Hələ yağış yağmadığı bir aydır. İndi su yoxdur deyirlərsə, bəs avqust necə olacaq? Bizə su vermirlər ki, məmurlar üçün anbarda ehtiyat qalsın.”
Digər fermer fermer N. Əliyev də əkdiyi 10 hektara qədər qarğıdalı, tərəvəz sahələrinin susuzluqdan yandığını, şikayət etdikdə isə hədələndiklərini bildirir:
“Bir aya yaxındı əkin sahələrimə su vermirlər.10 hektara yaxın əkin sahəm məhv olub. İcra nümayəndələri yalnız vəzifəlilərin və rüşvət verənlərin sahələrinə su verir. Şikayətə də baxmırlar. Nə edəcəyimi bilmirəm. Çox da şikayət edəndə hədələyirlər, şərləyirlər, məhkəməyə verib cərmələyirlər. Qarğıdalı əkmişdim ki, silos edib qışda heyvanlara verəm.Tamamən məhv oldu. Qışda pul verib əlavə yem almalıyam. Bu da ikiqat zərərdir. Sonra da deyirlər ki, Naxçıvan boşalır. Naxçıvanın boşalmasına səbəbkarı məmurların özbaşınalığıdır. Biz çalışırıq məhsul bolluğu yaradaq, qiymətlər aşağı düşsün, eyni zamanda ailəmizi dolandıraq. Məmurlar isə imkan vermir.”

Yenisirvanli.İnfo.Az