Səhiyyə - Yeni Şirvanlı https://yenisirvanli.info.az/ Səhiyyə - Yeni Şirvanlı true https://yenisirvanli.info.az/sehiyye/4075-azrbaycan-hmkarlar-ittifaqlar-konfederasiyasnn-salamlq-mrkzlri-il-tanlq-olub.html redaktor Səhiyyə Fri, 03 Oct 2025 12:17:18 +0400

Azərbaycan Həmkarlar İttifaqları Konfederasiyasının sağlamlıq mərkəzləri ilə tanışlıq olub

Azərbaycan Həmkarlar İttifaqları Konfederasiyasının "Buzovna" fizioterapiya, "Bilgəh" kardioloji və "Abşeron" mədə-bağırsaq təyinatlı sağlamlıq mərkəzlərinə baxış keçirilib.


Səhiyyə naziri Teymur Musayevin də iştirak etdiyi tədbirdə məlumat verilib ki, konfederasiya tərəfindən sağlamlıq və istirahət mərkəzlərində müasir və rahat şərait yaradılır. "Buzovna", "Bilgəh" və "Abşeron" sağlamlıq mərkəzlərində də şərait yaxşılaşdırılıb, ən müasir tibbi avadanlıqlarla təchiz edilib.


Mərkəzlərdə tibbi laboratoriyalar, müalicə və istirahət sahələri, tibbi xidmətlərin təşkili, istifadə edilən müasir avadanlıqlar və reabilitasiya prosedurları ilə tanışlıq olub. Vurğulanıb ki, mərkəzlərdə müalicə və reabilitasiya üçün müasir tibbi texnologiyalar tətbiq edilir.


Qeyd edilib ki, yollayışların verilməsi e-ahik elektron rezervasiya sistemi vasitəsilə həyata keçirilir. Sistem insan təması olmadan, sürətli və şəffaf şəkildə müraciət və qeydiyyat imkanı yaradır ki, bu da xidmətlərin əlçatanlığını və vətəndaş məmnuniyyətini əhəmiyyətli dərəcədə artırır.


Səhiyyə naziri Teymur Musayev konfederasiyanın sağlamlıq mərkəzlərində yaradılmış şəraiti, müasir tibbi avadanlıqlarla təchizatı, tibbi heyətin peşəkarlığını və göstərilən xidmətlərin keyfiyyətini yüksək dəyərləndirib. Nazir, həmçinin kadr hazırlığı və birgə layihələrin icrası istiqamətində konfederasiya ilə əməkdaşlığın genişləndirilməsi istiqamətləri barədə fikirlərini bölüşüb.


]]> true https://yenisirvanli.info.az/sehiyye/3923-btn-nadir-xstliklr-n-universal-drman-hazrlanb-elmi-aradirma.html redaktor Səhiyyə Tue, 23 Sep 2025 08:17:30 +0400

Bütün nadir xəstəliklər üçün universal dərman hazırlanıb – Elmi ARAŞDIRMA

Artıq təsdiqlənmiş bir dərman mutasiyanın harada baş verməsindən asılı olmayaraq, insan zülalının demək olar ki, bütün mutasiyaya uğramış formalarını stabilləşdirə bilir.


Yenisirvanli.info.az xəbər verir ki, bu barədə beynəlxalq tədqiqatçılar qrupunun keçirdiyi araşdırmalar nəticəsində məlum olub. Nəticələr "Nature Structural & Molecular Biology" jurnalında dərc olunub.


Qeyd olunub ki, sözügedən dərman normal böyrək funksiyası üçün vacib olan vazopressin V2 reseptorunu (V2R) hədəf alır. Bu reseptorda olan qüsurlar nadir xəstəlik olan nefrogenik şəkərsiz diabetə səbəb olur. Bu xəstələr güclü susuzluqdan əziyyət çəkir və litrlərlə sidik ifraz edirlər.


Alimlər laboratoriyada reseptorun 7 min variantını, o cümlədən bütün mümkün mutasiyalarını yaradıb və digər böyrək xəstəliklərinin müalicəsində istifadə olunan tolvaptan preparatının təsirini yoxlayıblar. Məlum olub ki, dərman aşkar edilmiş 69 mutasiyadan 60-ı da daxil olmaqla, destabilizə edilmiş mutasiyaların 87%-də normal reseptor səviyyəsini bərpa edib.


"Mutasiyalar reseptorun hüceyrə içində ilişib qalmasına səbəb olur və bu halda reseptor səthə çatmır. Tolvaptan isə 'keyfiyyətə nəzarət sistemi' zülalının reseptoru buraxmasına imkan verir və onu kifayət qədər uzun müddət sabit saxlayır", - deyə məqalənin aparıcı müəllifi, Barselona Genom Tənzimləmə Mərkəzinin tədqiqatçısı Dr. Teylor Miqhell izah edib.


Alimlərin sözlərinə görə, kəşf prinsipial olaraq yeni yanaşmanı göstərir: preparat mutasiyanın yerindən asılı olmayaraq zülala yapışa və onu stabilləşdirə bilir. Bu, uzun müddət effektiv terapiyası olmayan nadir xəstəliklərin müalicəsində əhəmiyyətli irəliləyişdir.


"Əgər kəşfimiz GPCR reseptor ailəsinin digər üzvlərində təsdiqlənərsə, dərmanların hazırlanmasını kəskin sürətləndirə bilərik. Hər mutasiya üçün unikal molekullar axtarmaq əvəzinə, bütün zülalı stabilləşdirən universal dərmanlar hazırlaya bilərik", - deyə Genom Tənzimləmə Mərkəzinin və Senqer İnstitutunun rəhbəri, professor Ben Lener bildirib.

]]> true https://yenisirvanli.info.az/sehiyye/3691-qazl-ikilr-hans-orqanlarmz-mhv-edir-xbrdarlq.html redaktor Səhiyyə Tue, 26 Aug 2025 10:40:08 +0400

Qazlı içkilər hansı orqanlarımızı məhv edir? - Xəbərdarlıq

Şəkərli və qazlı içkilərdə çox istifadə edilən fruktoza sağlamlıq üçün zərərlidir.

Yenisirvanli.İnfo.Az Ölkə.Az-a istinadən xəbər verir ki, bu barədə türkiyəli daxilixəstəliklər mütəxəssisi Dr. Mert Bektaş danışıb. O deyib ki, fruktoza təbii şəkildə meyvələrdə və balda olsa da, emal edilımiş qidalardakı yüksək fruktozalı qarğıdalı siropu daha qatıdır.

“Qazlı içkilər, meyvə aromalı içkilər, enerji içkiləri, peçenye, vafli, hazır tortlar, souslar və səhər yeməyində istifadə edilən taxıl lopaları fruktoza ilə ən zəngin qidalardır”.

Fruktozanın təbii meyvələrdəki liflə birlikdə istehlak edildikdə problem yaratmadığını vurğulayan Dr.Bektaş həddindən artıq istehlakın ciddi risklər daşıdığını vurğulayıb:

“Piylənmə: Toxluq hissi yaratmır və kalori qəbulunu artırır”.

Mütəxəssis içkilərdəki fruktozanın digər zərərlərini də zadalayıb:

Qaraciyər yağlanması: Frutoza demək olar ki, tamamilə qaraciyərdə metabolizə olunur. Həddindən artıq istehlak qaraciyər yağ istehsalını artırır.

İnsulin müqaviməti və diabet: Şəkərli içkilərin müntəzəm istifadəsi 2-ci tip diabet riskini 20-25% artırır.

Ürək xəstəliyi riski: Triqliserid səviyyəsinin artmasına səbəb olaraq damar sağlamlığına mənfi təsir göstərir.

Diş sağlamlığı: Turşu təbiəti ilə həm çürükləri artırır, həm də minanı aşındırır.

Həkim şəkərli içkilər yerinə daha çox su, qazlı su, ayran, kefir, şəkərsiz bitki çayları, kompotlara üstünlük verməyi tövsiyə edib.

Dr. Bektaş əlavə edib ki, fruktoza istehlakının azaldılması qısa müddətdə iştahı idarə etməyə kömək edir və lazımsız kalori qəbulunun qarşısını alır.



Yenisirvanli.İnfo.Az

]]> true https://yenisirvanli.info.az/sehiyye/3657-drmanlarmz-vaxtnda-ala-bilmirik-reaktivlr-khndir-video.html redaktor Səhiyyə Fri, 22 Aug 2025 12:07:19 +0400

“Dərmanlarımızı vaxtında ala bilmirik, reaktivlər köhnədir” – VİDEO

Pasiyentlər Talassemiya Mərkəzi ilə bağlı müxtəlif iddialar irəli sürüblər.
Yenisirvanli.İnfo.Az xəbər verir ki, onlar tibb müəssisəsində dərman çatışmazlığından, sanitar-gigiyenik qaydalara riayət olunmadığından və nəzərdə tutulan dərmanları vaxtında ala bilmədiklərindən şikayətçidirlər.
Onların iddalarına görə, laboratoriyada istifadə edilən reaktivlər köhnədir.
Bundan əlavə, onlara verilmiş iynələrin keyfiyyətsiz olduğuna dair şikayətlər səsləndiriblər.
Pasiyentlərin sözlərinə görə, Mərkəzdə qan nümunələri götürmək üçün istifadə olunmuş “probilka”lar da köhnədir.
Mərkəzin fəaliyyətindən razı qalan pasiyentlər də var:
“Əvvəllər çətinliklər var idi, amma sonra şükür ki, yaxşıdır. Pis deyil”.
Mərkəzin inzibati işlər üzrə direktor müavini Səidə Babazadə dərman təminatı ilə bağlı səslənən ittihamların bəziləri ilə razılaşsa da, digərlərini təkzib edib.
O, dərman təminatında müəyyən ləngimələrin olduğunu təsdiqləyib.
Direktor müavini bildirib ki, mövcud problemlərin həlli istiqamətində müvafiq qurumlarla danışıqlar aparılır.
S. Babazadə bildirib ki, “probilka”ların köhnə olduğu iddiaları əsassızdır. Onun sözlərinə görə, köhnə “probilka”nı cihaz qəbul etmir.
“Artıq tibbi tullantı olan “probilka”lar xadimənin əlindən yerə dağılıb. Hansı ki, həmin “probilka”lar tibbi tullantıdır. Bu görüntünü də pasiyentlər çəkərək yerə dağılmış “probilka”lardakı qanın laboratoriyada yoxlanıldığını iddia edirlər. Halbuki, bu yalnışdır”,-deyə bildirib.
Mərkəz səlahiyyətlisi burada antisanitariya qaydalarına əməl olunmaması iddialarının da əsassız olduğunu söyləyib.
]]> true https://yenisirvanli.info.az/sehiyye/3615-azrbaycanda-kr-xstlrinin-say-artr-sas-sbblr-hyat-trzi-v-piylnmdir.html redaktor Səhiyyə Fri, 15 Aug 2025 10:26:42 +0400

“Azərbaycanda şəkər xəstələrinin sayı artır: Əsas səbəblər həyat tərzi və piylənmədir”

“Azərbaycanda şəkər xəstələrinin sayının artması bir neçə əsas amillə bağlıdır”.

Yenisirvanli.İnfo.Az xəbər verir ki, bunu Demokrat.az-a açıqlamasında endokrinoloq Elçin Quliyev deyib.

O bildirib ki, əsas səbəblərdən biri həyat tərzidir:

“Müasir həyat ritmi insanların azhərəkətli olmasına və yüksək kalorili, şəkərli qidalarla qidalanmasına səbəb olur. Bu isə qan şəkərinin yüksəlməsinə və tip 2 diabet riskinin artmasına gətirib çıxarır. Digər tərəfdən, piylənmə və artıq çəki də şəkər xəstəliyinin baş verməsində əsas rol oynayır. Genetik meyl və ailədə şəkər xəstəliyi olan faktlar da riski artırır. Son illərdə müayinələrin genişlənməsi səbəbindən əvvəllər aşkarlanmayacaq diabet halları indi daha çox qeydə alınır. Həmçinin uzunmüddətli stress və həyat tempinin yüksək olması insulin müqavimətini yüksəldərək xəstəliyin yaranma ehtimalını artırır. Əsas tövsiyəmiz sağlam qidalanma, müntəzəm fiziki aktivlik və vaxtaşırı qan şəkərinin yoxlanılmasıdır”.



Yenisirvanli.İnfo.Az

]]> true https://yenisirvanli.info.az/sehiyye/3556-yemkdn-drhal-sonra-ay-imk-zrrlidir.html redaktor Səhiyyə Wed, 06 Aug 2025 10:21:56 +0400

Yeməkdən dərhal sonra çay içmək zərərlidir?

Yeməkdən sonra çay içmək bir çox insanın gündəlik vərdişlərindən biridir. Xüsusilə də qara çay Azərbaycanda ən çox istehlak olunan içkilər sırasındadır. Amma bu vərdişin sağlamlığa bəzi mənfi təsirləri ola bilər.

Yenisirvanli.İnfo.Az xəbər verir ki, mütəxəssislər yeməkdən dərhal sonra çay içməyin orqanizmə necə təsir etdiyini izah ediblər:

-Dəmirin sorulmasına mane olur: Qara və yaşıl çayda yüksək miqdarda tanin maddəsi var. Bu maddə yeməklə qəbul edilən dəmiri bağlayaraq onun orqanizmə sorulmasını çətinləşdirir. Xüsusilə də dəmir çatışmazlığından əziyyət çəkənlər üçün bu ciddi problemdir.

-Qidanın həzmini ləngidir: Yeməkdən sonra mədə turşuluğu həzmi asanlaşdırmaq üçün artır. Lakin çay bu balansı poza bilər, nəticədə həzm prosesi yavaşlaya və narahatlıqlar yarana bilər.

-Şişkinlik və qaz problemini artırır: Yeməkdən sonra içilən isti çay bəzi insanlarda qarında köp, ağırlıq və qaz kimi problemləri gücləndirə bilər.

-Vitamin və mineralların sorulmasını azalda bilər: Xüsusilə sink, maqnezium və kalsium kimi mineralların orqanizm tərəfindən tam mənimsənilməsi çətinləşir.

Həkimlər bildirir ki, çayı yeməkdən ən az 30–60 dəqiqə sonra içmək daha sağlam seçimdir. Əgər çay içmək istəyirsinizsə, tərkibində tanin az olan bitki çayları (məsələn, nanə, çobanyastığı) daha uyğun ola bilər.

Dəmir əskikliyi olan insanlar çayı limonla birgə içməklə bu təsiri bir qədər azalda bilərlər. C vitamini dəmirin sorulmasını dəstəkləyir.



Yenisirvanli.İnfo.Az

]]> true https://yenisirvanli.info.az/sehiyye/3548-tn-ay-48-aptekd-yoxlama-keirilib-19-da-nqsanlar-akarlanb.html redaktor Səhiyyə Wed, 06 Aug 2025 10:10:12 +0400

Ötən ay 48 aptekdə yoxlama keçirilib, 19-da nöqsanlar aşkarlanıb

Bu ilin iyul ayı ərzində Səhiyyə Nazirliyi Analitik Ekspertiza Mərkəzi (AEM) ümumilikdə 48 aptekdə yoxlama həyata keçirib.

Yenisirvanli.İnfo.Az xəbər verir ki, bu barədə AEM məlumat yayıb.

Bildirilib ki, yoxlamalardan 21-i Bakıda, 27-si isə digər şəhər və rayonlarda yerləşən apteklərdə aparılıb. Yoxlamaların 10-u planlı, 37-si plandankənar, biri isə yoxlamadan kənar təftiş xarakterli olub.

Aparılmış yoxlamalar nəticəsində 19 aptekdə müxtəlif nöqsanlar aşkarlanıb.



Yenisirvanli.İnfo.Az

]]> true https://yenisirvanli.info.az/sehiyye/3518-diqqt-enerji-ikilri-bu-xstliklr-sbb-olur.html redaktor Səhiyyə Mon, 04 Aug 2025 13:47:19 +0400

DİQQƏT: Enerji içkiləri bu xəstəliklərə səbəb olur

Enerji içkiləri maddələr mübadiləsinə, sinir və ürək-damar sisteminə mənfi təsir göstərir. Onlar şəkərli diabet, piylənmə, ateroskleroz kimi xəstəliklərə səbəb ola və qocalmanı sürətləndirə bilər.

Yenisirvanli.İnfo.Az xəbər verir ki, bu barədə diyetoloq, psixoterapevt, professor Mixail Qinzburq məlumat verib.

“Enerji içkiləri üç əsas istiqamətdə təhlükə yaradır: ürək-damar və sinir sisteminə, həmçinin maddələr mübadiləsinə mənfi təsir göstərir, şəkərli diabetin inkişaf riskini artırır. Onlar xüsusilə yeniyetmələr üçün təhlükəlidir. Yeniyetmələrin ürək-damar sistemi hələ tam formalaşmayıb və buna görə də, enerji içkilərinə qeyri-adi dərəcədə kəskin reaksiya verə bilərlər – məsələn, ürək döyüntüsünün sürətlənməsi və təzyiqin yüksəlməsi. Ürək-damar sistemi üçün belə təsir kifayət qədər ciddi ola bilər”, – deyə Qinzburq izah edib.

Enerji içkilərində yüksək miqdarda şəkər olduğu üçün onların həddindən artıq istifadəsi də təhlükəlidir.

“Qida rasionunda şəkərin həddindən artıq olması qocalmanı sürətləndirir və şəkərli diabet, ateroskleroz kimi maddələr mübadiləsi xəstəliklərinə, həmçinin ağız boşluğu problemlərinə səbəb ola bilər. Enerji içkilərindəki şəkər orqanizm tərəfindən sürətlə sorulur və bu da onun zərərli təsirini daha da artırır. Kofeinin beyin fəaliyyətinə təsiri nəticəsində isə insanlarda narahatlıq hissi və yuxusuzluq yarana bilər”, – ekspert bildirib.

Qeyd edək ki, mütəxəssislər dörd və daha çox banka enerji içkisi qəbul etməyin ölümə səbəb ola biləcəyi barədə xəbərdarlıq edirlər. Oxu.az



Yenisirvanli.İnfo.Az

]]> true https://yenisirvanli.info.az/sehiyye/3513-kolabasa-ad-il-grn-n-yeyirmiik-dietoloq-sirlri-ad.html redaktor Səhiyyə Fri, 01 Aug 2025 11:31:29 +0400

Kolabasa adı ilə görün nə yeyirmişik – Dietoloq sirləri açdı

Xəbər verdiyimiz kimi kolbasa, frankfurter, cips və qəlyanaltılar uzun müddətdir ki, bir çox ukraynalıların qidalanmasının adi hissəsinə çevrilib.

Yenisirvanli.İnfo.Az xəbər verir ki, dietoloqun sözlərinə görə, rəngarəng qablaşdırmanın və iştahaaçan görünüşün arxasında sağlamlığınız üçün təhlükəli ola biləcək tərkiblər gizlənir.

RBC-Ukrayna ilə müsahibəsində Ukraynanın Əməkdar Həkimi, professor, qastroenteroloq və dietoloq Halyna Anokhina emal olunmuş ət məhsullarında ola biləcək şok edən detallar barədə danışıb.

Onun sözlərinə görə, frankfurterlərin hazırlanmasında bəzən istifadə edilən tərkiblərdən biri... dezinfeksiya olunmuş toyuq tullantılarıdır.

Qastroenteroloqun fikrincə, kolbasa və frankfurterlərdən mümkün qədər uzaq durmaq lazımdır. O, öz məruzələrindən birində heyrətamiz məlumat paylaşdı: quşçuluq fermalarından çıxan toyuq tullantılarının harada istifadə olunduğunu həkimlərdən soruşduqda belə nəticə çıxdı.

Məlum oldu ki, bu tullantılar gübrə kimi istifadə olunmaqla yanaşı (indi daha az yayılıb), bloklar şəklində hazırlanaraq həm yanacaq kimi, həm də qida sənayesində istifadə olunur.

"Həzm məhsullarında çoxlu mikroorqanizmlər və zülallar olur. Onlar dezinfeksiya edilir və tam zülala çevrilir, sonra həmin zülal eyni frankfurterlərə əlavə olunur", - həkim gündəlik məhsullardakı gizli tərkiblərə diqqət çəkib.

Maraqlıdır, Azərbaycanda istehsal olunan kolbasa və kolbasa məmulatlarının hazırlanmasında bu cür toyuq tullantılarından istifadə olunurmu? Ümumiyyətlə, ölkəmizdə istehsal olunan kolbasa və sosislərin tərkibi nə dərəcədə sağlamlıq standartlarına uyğun gəlir?

Dietoloq Ləman Süleymanova Musavat.com-a açıqlamasında qida təhlükəsizliyi ilə bağlı ciddi xəbərdarlıq edərək bildirib ki, bəzi istehsalçılar məhsul hazırlayarkən keyfiyyətsiz, hətta insan istehlakına yararsız quşçuluq tullantılarından istifadə edirlər:

"Təəssüf ki, Azərbaycanda bəzi kolbasa və sosis istehsalçılarının xərclərə qənaət etmək məqsədilə quşçuluq fermalarından çıxan, keyfiyyətsiz və yararsız toyuq tullantılarından istifadə etdiyi faktdır. Normalda heyvansevərlər belə tullantıları yalnız küçə heyvanlarını yemləmək üçün alır. Amma bəzi fabriklər bu məhsulları ucuz olduğu üçün istehsalda istifadə edir və daha sonra baha qiymətə satışa çıxarırlar. Bu, insan sağlamlığı üçün son dərəcə təhlükəlidir. Kolbasa və sosislərin uzun müddət xarab olmaması üçün müxtəlif konservantlar və kimyəvi maddələrdən istifadə olunur. Məsələn, məhsulun rəngini çəhrayı saxlamaq üçün natrium nitrit əlavə edilir. Bu maddə bakteriyalara qarşı qoruyucu təsir göstərsə də, həddindən artıq istifadəsi xərçəng riskini artırır. Rəngdə dəyişikliklər - qəhvəyi, boz və ya yaşıl ləkələrin əmələ gəlməsi məhsulun keyfiyyətsiz və ya vaxtının keçdiyini göstərir".

L.Süleymanova həmçinin bəzi qəlyanaltılar və uşaq qidaları ilə bağlı da xəbərdarlıq edib:

"Çipsilər və müəyyən qəlyanaltı məhsullarında istifadə olunan bəzi yağlar neft mənşəlidir. Bu yağlar insan orqanizminə tamamilə yad maddələrdir. Onlar qaraciyərə, mədəaltı vəzə və digər daxili orqanlara ciddi ziyan vurur. Təəssüf ki, körpə və məktəbyaşlı uşaqlar bu tip məhsulları tez-tez istehlak edir və nəticədə piylənmə, qaraciyər piylənməsi, metabolik pozğunluqlar kimi problemlər erkən yaşlardan müşahidə olunur".

Dietoloq bildirib ki, bu səbəbdən bazardan alınan kolbasa və sosislərdən mümkün qədər uzaq durmaq lazımdır:

"Əgər kolbasa və ya sosis yemək istəyirsinizsə, bunu ev şəraitində, təmiz və keyfiyyətli ətdən hazırlamaq lazımdır. Marketlərdə satılan sənaye istehsalı məhsullar isə həm tərkibinə qatılan yararsız ətlər, həm də qoruyucu kimyəvi maddələr səbəbindən sağlamlıq üçün risklidir".

Azad İstehlakçılar Birliyinin sədri Eyyub Hüseynov da Musavat.com-a açıqlamasında bildirib ki, Azərbaycanda ət məhsullarının istehsalında vəziyyət digər ölkələrlə müqayisədə xeyli yaxşıdır:

"Bəzi kiçik sexlərdə istehsal olunan kolbasa və sosis məmulatlarını istisna etsək, ölkəmizdə fəaliyyət göstərən böyük istehsalçılar əsasən təmiz ət və quş ətindən istifadə edirlər. Quşların skeleti, əti və dərisindən istifadə olunur".

E. Hüseynov bildirib ki, ölkəyə ət idxalı müxtəlif ölkələrdən həyata keçirilir:

"Azərbaycan bir çox ölkələrdən, o cümlədən Braziliyadan, Hindistandan, Pakistandan, həmçinin böyük həcmdə Monqolustandan ət idxal edir. İdxal olunan məhsulların əksəriyyəti keyfiyyət baxımından standartlara cavab verir. Buna baxmayaraq, istehlakçılar etiket oxumağa və məhsulun mənşəyini diqqətlə öyrənməyə diqqət etməlidirlər. Mən istehlakçılara tövsiyə edirəm ki, mümkün qədər yerli istehsal məhsullarına üstünlük versinlər. Yerli məhsullar təravətli, keyfiyyətli, iqlim və saxlanma şəraitinə daha uyğun olur. Bəzən xaricdən gətirilən məhsulların görünüşü və qablaşdırması cəlbedici ola bilər, amma bu, istehlakçı üçün əsas meyar olmamalıdır. Mənim fikrimcə, yerli məhsullar bir çox hallarda xarici məhsullardan üstündür".Milli.az


Yenisirvanli.İnfo.Az

]]> true https://yenisirvanli.info.az/sehiyye/3465-qulaq-pndn-istifad-etmyin-hkim-xbrdarlq-etdi.html redaktor Səhiyyə Wed, 30 Jul 2025 12:42:52 +0400

Qulaq çöpündən istifadə etməyin – Həkim xəbərdarlıq etdi

Həkim Toni Farmer qulaq təmizliyində pambıq çubuqlardan istifadənin təhlükəli nəticələrə səbəb ola biləcəyini bildirib.

Yenisirvanli.İnfo.Az xəbər verir ki, O, “Infobae” nəşrinə açıqlamasında deyib ki, pambıq çubuqlardan istifadə zamanı qulaq kiri qulaq kanalının daha dərin hissəsinə doğru itələnir. Bu isə qulaq yolunun tutulmasına, ağrılara və hətta burun pərdəsinin (baraban pərdəsi) cırılmasına gətirib çıxara bilər.

Başqa həkim Brüs Stüart əlavə edib ki, qulaq kiri orqanizmin təbii müdafiə vasitəsidir. Onun sözlərinə görə, qulaq yolunu tez-tez təmizləmək dərinin qurumasına, qıcıqlanmaya və ekzema yaranmasına səbəb ola bilər. O, pambıq çubuqlardan imtina etməyi və yalnız qulağın xarici hissəsini təmizləmək üçün nəm salfetlərdən istifadə etməyi tövsiyə edib.



Yenisirvanli.İnfo.Az

]]>