İlham Əliyev qəbul keçirdi - Fotolar

Azərbaycan Prezidenti İlham Əliyev bu gün Çin Dövlət Şurasının Baş nazirinin müavini Can Quoçini qəbul edib.

“Yenisirvanli.info.az” xəbər verir ki, qonaq, ilk növbədə, Çin Xalq Respublikasının Sədri Si Cinpinin salamlarını Azərbaycan Prezidentinə çatdırıb.

O qeyd edib ki, Si Cinpin Prezident İlham Əliyevi Çinin dostu kimi dəyərləndirir.

Dövlət başçısı salamlara görə minnətdarlığını bildirib, onun da salamlarını Si Cinpinə çatdırmağı xahiş edib. Prezident İlham Əliyev deyib ki, Çin Xalq Respublikasının Sədrinin onu Çinin daimi dostu adlandırmasını yüksək qiymətləndirir.

Can Quoçin BMT-nin Ümumdünya Şəhərsalma Forumunun 13-cü Sessiyasında qlobal urbanizasiya gündəliyi ilə bağlı aktual mövzuların müzakirə edildiyini bildirib, tədbirdə iştirak etməkdən şərəf hissi duyduğunu deyib və ölkəsində bu Foruma mühüm əhəmiyyət verildiyini vurğulayıb. O, ölkəmizin belə bir mötəbər tədbirə ev sahibliyi etməsi münasibətilə Prezident İlham Əliyevə təbriklərini çatdırıb. Qonaq, həmçinin Forumun açılış mərasimində Azərbaycan Prezidentinin çıxışının çox məzmunlu olduğunu deyib.

Dövlət başçısı təbriklərə görə minnətdarlığını bildirib.

Prezident İlham Əliyev Çinin bu tədbirdə yüksəksəviyyəli nümayəndə heyəti ilə təmsil olunmasını Azərbaycana hörmət və dostluq əlaməti kimi qiymətləndirib.

Azərbaycan-Çin əlaqələrində sürətli artımı məmnunluqla qeyd edən qonaq dövlət başçılarının görüşlərini xatırlayıb, münasibətlərimizin hərtərəfli strateji tərəfdaşlıq səviyyəsinə çatdığını deyib.

O, Çinin Tayvan regionu ilə əlaqədar Azərbaycanın qətiyyətli mövqeyinə görə təşəkkürünü bildirib. Çinin də Azərbaycanın müstəqilliyini, suverenliyini, ərazi bütövlüyünü daim dəstəklədiyini vurğulayıb.

Can Quoçin qeyd edib ki, Çin Azərbaycanın xalqın maraqları əsasında seçdiyi inkişaf yolunu dəstəkləyir.

Prezident İlham Əliyev Çinə dövlət səfərini məmnunluqla xatırladı və göstərilmiş qonaqpərvərliyə görə təşəkkürünü bildirib. Dövlətimizin başçısı bu səfər zamanı imzalanmış hərtərəfli strateji tərəfdaşlıq sənədinin önəmini qeyd edib.

Prezident İlham Əliyev Azərbaycanın vaxtilə separatizmdən əziyyət çəkən ölkə kimi separatizmin bütün forma və təzahürlərini pislədiyini vurğulayıb. Dövlətimizin başçısı qeyd edib ki, ölkəmiz Çinin Tayvan regionunda keçirilmiş qanunsuz seçkiləri nəinki tanımayıb, hətta onun pislənilməsi bəyanatı ilə çıxış edən yeganə dövlətlərdən biri olub. Prezident İlham Əliyev bu xüsusda vurğuladı ki, Azərbaycan “vahid Çin” siyasətini daim dəstəkləyir.

Söhbət zamanı müxtəlif sahələri əhatə edən Azərbaycan-Çin münasibətlərinin uğurlu inkişafı vurğulanıb.

Yeni Azərbaycan Partiyası və Çin Kommunist Partiyası arasında əlaqələr qeyd olunub, ölkələrimizin beynəlxalq təşkilatlar çərçivəsində uğurla əməkdaşlıq etdiyi vurğulanıb. Azərbaycanla Çin arasında iqtisadi-ticari əlaqələrin genişlənməsindən məmnunluq ifadə olunub, siyasi, iqtisadi, tranzit, nəqliyyat, yükdaşımaları, hərbi-texniki tərəfdaşlıq və digər sahələrdə əməkdaşlığın perspektivləri ilə bağlı fikir mübadiləsi aparılıb.

4 ayda Ermənistana 10 milyonluq məhsul ixrac etmişik

Bu ilin ilk 4 ayında Azərbaycandan Ermənistana 9 milyon 646 min ABŞ dolları dəyərində məhsul ixrac edilib.

“Yenisirvanli.info.az” xəbər verir ki, bu barədə Dövlət Gömrük Komitəsinin (DGK) məlumatında deyilir.

Məlumata görə, bu göstərici Azərbaycanın ümumi ixracının 0,08%-ni təşkil edib.

Təkcə aprel ayında Azərbaycandan Ermənistana 3 milyon 889 min ABŞ dolları dəyərində məhsul ixrac edildiyi bildirilir.

Xatırladaq ki, DGK-nin daha əvvəl açıqladığı məlumata görə, bu ilin mart ayında Azərbaycan Ermənistandan 960 ABŞ dolları dəyərində mal idxal edib. Bu, son 35 ildə Azərbaycanın Ermənistandan ilk məhsul idxalı olub.

Hikmət Hacıyevdən WUF13-lə bağlı paylaşım - Video

“İqlim dəyişikliyinin təsirlərinə və hava şəraitinin şıltaqlıqlarına baxmayaraq, WUF13 genişmiqyaslı mətbuat konfransı ilə start götürür”.

“Yenisirvanli.info.az” xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” hesabında etdiyi paylaşımında yazıb.

“Qlobal şəhər gündəliyinin gələcək konturları Azərbaycanda formalaşdırılır. 40 000 nəfərdən çox iştirakçı ilə indiyədək keçirilmiş ən böyük WUF”, - paylaşımda deyilir.

“1 milyarddan çox insan gecəqondularda yaşayır” - Anaklaudia Rossbax

“İqlim siyasətinin milli səviyyədə müəyyən olunmuş tövsiyələrlə uzlaşdırılması artıq şəhərsalma məzmununu 49 faizdən 2025-ci ildə 80 faizə çatdırıb”.

“Yenisirvanli.info.az” xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumunun On Üçüncü Sessiyasının (WUF13) Yeni Şəhərsalma Proqramına dair nazirlər səviyyəsində görüşündəki çıxış zamanı səsləndirib.

O bildirib ki, bu, olduqca önəmli nailiyyətlərdir: “Lakin bu, hələ ki, kifayət etmir. İcra hələlik qeyri-bərabərdir və bir çox sahələrdə kifayət etməyən səviyyədədir. Burada da dayanıqlı investisiyalara, sərmayələrə böyük ehtiyac var. 1 milyarddan çox insan gecəqondularda və yaxud qeyri-formal yerlərdə yaşayır. 150 milyondan çox insan məhz gecəqondularda və qeyri-formal yerlərdə doğulur. Məsələ bu baxımından regionları aşan bir çağırışdır. Evsizlik bütün dünyada olan bir çağırışdır. Xüsusilə iqlim dəyişikliyi və böhranla bağlı olaraq da bu, xüsusi əhəmiyyət təşkil edən məsələlərdir. Daşqınlar, quraqlıqdır, qasırğalar və digər problemlərin fonunda xüsusilə önəmlidir. Ötən 2 dekada ərzində 80 faizdən çox şəhər əhalisi həmin problemlərlə birbaşa üzləşib”.

İlham Əliyev Esvatini Kralı ilə görüşdü - Fotolar

Prezident İlham Əliyev mayın 17-də Esvatini Kralı Əlahəzrət III Msvatinin başçılıq etdiyi nümayəndə heyəti ilə görüşüb.

“Yenisirvanli.info.az” xəbər verir ki, bu barədə Prezidentin Mətbuat Xidməti məlumat yayıb.

“Azərbaycan rəhbərliyinə təşəkkür edirəm” - Anaklaudia Rossbax

“Azərbaycan rəhbərliyinə önəmli nazirlər görüşünə və ümumilikdə forumun təşkilinə görə təşəkkür edirəm”.

“Yenisirvanli.info.az” xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Yeni Şəhərsalma Proqramına dair nazirlər səviyyəsində görüşdə deyib.

“2026-cı il islahedici tədbirlər baxımından önəmlidir və bir sıra suallara cavab tapmaq üçün imkandır. Bu illər ərzində irəliləyiş də qeydə alınıb. Ölkələrin üçdə ikisi milli siyasətlərini qəbul ediblər”, - deyə Rossbax vurğulayıb.

Onun sözlərinə görə, mənzil sahəsində inkişaf etməkdə olan ölkələrdə evsizlik əsas problemdir. O burada daşqın və quraqlıq kimi iqlim məsələlərinin də rol oynadığını bildirib.

“Bu iclas birinci onillik ərzində fəaliyyətləti təhlil etmək üçün əla fürsətdir”, - icraçı katib əlavə edib.

Dənizdən sahilə hücum tapşırığını icra etdilər - Video

Türkiyədə keçirilən “EFES-2026” çoxmillətli birgə müştərək təlimi çərçivəsində növbəti tapşırıqlar uğurla tamamlanıb.

“Yenisirvanli.info.az” xəbər verir ki, təlim planına uyğun olaraq, iştirakçı ölkələrin hərbi qulluqçuları dənizdən sahilə hücum tapşırığını icra ediblər.

Yüksəksürətli katerlərlə sahildə yerləşən şərti düşmən mövqelərinə yaxınlaşan qruplar, intensiv atəş dəstəyi altında quruya çıxıb, istehkamları dəf edərək müdafiə mövqelərini qısa müddətdə zərərsizləşdiriblər.

Aparılan effektiv əməliyyat nəticəsində sahil xətti tam təmizlənib və desant qüvvələrinin quruya çıxması üçün təhlükəsiz şərait yaradılıb.

Hörmüzdən asılılığı bu yolla azaltmaq istəyirlər

Birləşmiş Ərəb Əmirlikləri (BƏƏ) Hörmüz boğazından asılılığı azaltmaq üçün yeni neft kəmərini istismara verməyi planlaşdırır.

“Yenisirvanli.info.az” xarici mətbuata istinadən xəbər verir ki, ölkə 2027-ci ilə qədər Füceyra limanı üzərindən neft ixracını ikiqat artırmağı nəzərdə tutur.

Bu məqsədlə, BƏƏ Prezidenti Şeyx Məhəmməd bin Zayed Al Nəhyan ADNOC şirkətinə “Qərb-Şərq Boru Kəməri” layihəsini sürətləndirməyi tapşırıb.

Qeyd edək ki, hazırda Körfəz ölkələrindən yalnız BƏƏ və Səudiyyə Ərəbistanı Hörmüz boğazından yan keçən boru kəmərlərinə malikdir. BƏƏ-də fəaliyyət göstərən Əbu-Dabi xam neft boru kəməri gündəlik 1,8 milyon barelə qədər neft ötürə bilir. Bu kəmər ölkəyə Hörmüz boğazından keçmədən Oman körfəzi üzərindən birbaşa ixrac imkanı yaradır.

Hikmət Hacıyev: "Azərbaycan QHT-ləri Qlobal Cənub ölkələri ilə birgə layihələr icra edə bilərlər"

"Azərbaycan QHT-ləri Qlobal Cənub ölkələrinin həmfikir QHT-ləri ilə birgə layihələr üzrə əməkdaşlığa başlaya bilərlər".

“Yenisirvanli.info.az” "Report"a istinadən xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Qlobal Cənub QHT Platformasının (Global South NGO Platform - GSNP) I Baş Assambleyasında çıxışında deyib.

O bildirib ki, Azərbaycan belə yanaşmanın xərc bölgüsü və birgə maliyyələşdirilməsi üçün hazırdır:

"Eyni zamanda, sizin təcrübənizdən öyrənməyə və öz təcrübəmizi bölüşməyə də hazırıq".

Rixard Raşin Zəfər parkında - Fotolar

Azərbaycanda səfərdə olan Slovakiya Milli Şurasının sədri Rixard Raşinin başçılıq etdiyi nümayəndə heyəti bu gün Zəfər parkını ziyarət edib.

“Yenisirvanli.info.az” xəbər verir ki, burada ali qonağın şərəfinə fəxri qarovul dəstəsi düzülüb.

Slovakiya Milli Şurasının sədri Zəfər abidəsinin önünə əklil qoyub.

Sonra qonağa Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi Zəfərin yaddaşlarda yaşadılması, şəhidlərimizin əziz xatirəsinin əbədiləşdirilməsi məqsədilə yaradılmış Zəfər parkı barədə ətraflı məlumat verilib.