ABŞ-nin himayəsi altında Vaşinqtonda İsrail və Livan arasında birbaşa danışıqların 5-ci raundu başlayıb.

“Yenisirvanli.info.az” xəbər verir ki, Livan mənbələrinin paylaşdığı məlumata görə, tərəflər arasındakı müzakirələrin yeni mərhələsinə ABŞ Dövlət Departamentində start verilib.

Məlumata görə, hazırkı görüşdə iki ölkə arasındakı atəşkəsin gedişatına dair mühüm məsələlərin müzakirə ediləcəyi gözlənilir. Danışıqlarda iştirak edən şəxslərin adları hələlik rəsmən açıqlanmasa da, əvvəlki mərhələlərdə yer alan nümayəndə heyətlərinin yenidən müzakirələrdə olduğu ehtimal edilir.

Qeyd edək ki, ABŞ Dövlət Departamenti 23-25 iyun tarixlərində Vaşinqtonda İsrail-Livan birbaşa danışıqlarının 5-ci raundunun keçiriləcəyini daha əvvəl elan etmişdi.