İsrail və Livan nümayəndələri Vaşinqtonda keçirilən danışıqlarda İsrail ordusunun Livanın cənubunda nəzarətdə saxladığı ərazinin bir hissəsini yerli hərbçilərə təhvil verməsi ideyasını müzakirə edirlər.

“Yenisirvanli.info.az” xəbər verir ki, bu barədə “Reuters” agentliyi Livan və İsrail mənbələrinə istinadən məlumat yayıb. 

Bildirilib ki, Vaşinqtonun dəstəklədiyi plana əsasən, ərazidə yerləşdiriləcək Livan hərbçiləri əvvəlcə ABŞ-nin təşkil etdiyi hazırlıq və yoxlamadan keçməlidirlər. Bu yolla həmin hərbçilərin “Hizbullah” hərəkatı ilə əlaqəsinin olmadığını müəyyən etmək planlaşdırılır. İsrail isə öz növbəsində Livanla sərhəddəki bufer zonada hərbi mövcudluğunu qorumalıdır.

Xatırladaq ki, iyunun 23-də ABŞ-nin vasitəçiliyi ilə Vaşinqtonda İsrail və Livan arasında birbaşa danışıqların 5-ci raundu başlayıb.