Yenisirvanli.İnfo.Az haqqin.az portalına istinadən xəbər verir ki, sosial şəbəkələrdə yayılan məlumata görə, Bakıda “28 May” metro stansiyasının yaxınlığında ictimai asayişi pozmağa cəhd edən 200-dən çox şəxs saxlanılıb.

İlkin məlumatlara əsasən, ərazidə xidmət aparan polis əməkdaşları bir qrup şəxsin ictimai asayişi pozmasının qarşısını alaraq onları saxlayıblar.

Yayılan məlumatda saxlanılanların sayının 200 nəfəri keçdiyi, onlardan 100-dən çoxu barəsində isə cinayət işlərinin açıldığı iddia olunur.

Hadisənin hansı şəraitdə baş verdiyi, saxlanılan şəxslərin kimliyi və onlara qarşı irəli sürülən ittihamların mahiyyəti barədə əlavə məlumat verilməyib. Sözügedən məlumatlar hələlik rəsmi açıqlama ilə təsdiqlənməyib.

Yenisirvanli.İnfo.Az