Büdcədə artıq qalan vəsaitlər yalnız sistem əhəmiyyətli 5 bankda yerləşdiriləcək.

 Yenisirvanli.İnfo.Az xəbər verir ki, Maliyyə Nazirliyi dövlət büdcəsinin sərbəst vəsaitlərinin yalnız sistem əhəmiyyətli banklarda yerləşdiriləcəyini açıqlayıb. Məqsəd dövlət vəsaitlərinin daha təhlükəsiz və səmərəli idarə olunmasını təmin etməkdir.
Nazirliyin məlumatına əsasən, indiyə qədər iki depozit hərracı keçirilib. Bu hərraclarda bir və üç aylıq yerləşdirmə ilə ümumilikdə 1,5 milyard manat həcmində vəsait sistem əhəmiyyətli banklara depozit kimi yerləşdirilib.

“Mərkəzi Bank”ın son reyestrinə əsasən, ölkədə sistem əhəmiyyətli banklar aşağıdakılardır:

“Azərbaycan Beynəlxalq Bankı” (ABB), “Kapital Bank”, “PAŞA Bank”, “Bank Respublika”, “Unibank”

Qeyd edək ki, aprel ayında “Mərkəzi Bank” sistem əhəmiyyətli banklar siyahısında dəyişiklik edərək “Xalq Bank”ı “Unibank”la əvəzləyib.

Yenisirvanli.İnfo.Az