Dövlət Vergi Xidmətinin təqdim etdiyi rəsmi məlumatlara əsasən, "KƏPƏZ 22" Məhdud Məsuliyyətli Cəmiyyətinin dövlət büdcəsinə külli miqdarda borcu yığılıb.

Yenisirvanli.İnfo.Az xəbər verir ki, 32gun.az-ın əldə etdiyi məlumata görə, şirkətin 1.540.720,17 AZN məbləğində vergi borcu var.

Cəmi 10 AZN nizamnamə kapitalı olan bu şirkətin qanuni təmsilçisi Mirza Kamalov İmran oğludur.

Aparılan araşdırmalar zamanı məlum olub ki, iri məbləğdə vergi borcu olan şirkətin hüquqi ünvanı Bakı şəhəri, Nəsimi rayonu, Sahib Zeynalov küçəsi, ev 16, mənzil 9 olaraq qeydiyyata alınıb.