Türkiyə-Ermənistan sərhədinin açılması ilə bağlı konkret vaxt hələ məlum deyil.

“Yenisirvanli.info.az” xəbər verir ki, bu barədə Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıç Ermənistan mətbuatına müsahibəsində bildirib.

“Ermənistanla sərhədin açılmasının konkret vaxtı müzakirə edilməyib. Əldə etdiyimiz razılığa əsasən, sərhəd münasib vaxt gəldikdə və bütün formal məsələlər öz həllini tapdıqda açılacaq. Tikinti işləri demək olar ki, tamamlanıb, lakin həll edilməli olan məsələlər hələ qalmaqdadır”, - Kılıç qeyd edib.

Onun sözlərinə görə, sərhədin açılması üçün siyasi maneələr yoxdur, proses texniki və bürokratik səbəblərdən ləngiyir. Serdar Kılıç söhbətin personalın təyin edilməsi, internet rabitəsinin qurulması və digər təşkilati məsələlərdən getdiyini əlavə edib.